---
title: "സ്കൂൾ വിദ്യാർത്ഥിനിയോട് ബസിൽ മോശമായി പെരുമാറി ; ഒരാൾ പിടിയിൽ , കണ്ടെത്തിയത്‌ ക്യാരിബാഗിലെ പരസ്യം നോക്കി"
english_title: "Man Arrested For Misbehaving With School Girl On Bus Kochi"
publisher: "piravomnews.in"
canonical_url: "https://piravom.truevisionnews.com/news/386208/: kochi-school-girl-misbehave-bus-man-arrested-north-police"
published_at: "2026-10-09T09:14:00+05:30"
category: "Ernakulam "
language: "ml"
image: "https://cf.zdn.im/img/truevisionnews.com/0/image-uploads/6ac8634d49d2a_1000777441.jpg"
keywords: ["north police", "school girl harassment", "bus incident", "arrest"]
---

# സ്കൂൾ വിദ്യാർത്ഥിനിയോട് ബസിൽ മോശമായി പെരുമാറി ; ഒരാൾ പിടിയിൽ , കണ്ടെത്തിയത്‌ ക്യാരിബാഗിലെ പരസ്യം നോക്കി

> **Lead Summary:** കൊച്ചി: സ്കൂൾ വിദ്യാർത്ഥിനിയോട് മോശമായി പെരുമാറിയെന്ന ആരോപണത്തിൽ ഒരാൾ പിടിയിലായതായി പൊലീസ് പറയുന്നു. തലശേരി ന്യൂമാഹി പെരിങ്ങാടി കുമാരലയം സ്വദേശി സി ടി മിറോഷ് ആണ് നോർത്ത് പൊലീസിന്റെ പിടിയിലായത് എന്നാണ് റിപ്പോർട്ട്. ലേഡീസ് സ്റ്റിച്ചിംഗ് യൂണിറ്റ് നടത്തുന്ന ആളാണ് ഇയാൾ എന്നാണ് പൊലീസ് നൽകുന്ന വിവരം.

## Article Content

കൊച്ചി: സ്കൂൾ വിദ്യാർത്ഥിനിയോട് മോശമായി പെരുമാറിയെന്ന ആരോപണത്തിൽ ഒരാൾ പിടിയിലായതായി പൊലീസ് പറയുന്നു. തലശേരി ന്യൂമാഹി പെരിങ്ങാടി കുമാരലയം സ്വദേശി സി ടി മിറോഷ് ആണ് നോർത്ത് പൊലീസിന്റെ പിടിയിലായത് എന്നാണ് റിപ്പോർട്ട്. ലേഡീസ് സ്റ്റിച്ചിംഗ് യൂണിറ്റ് നടത്തുന്ന ആളാണ് ഇയാൾ എന്നാണ് പൊലീസ് നൽകുന്ന വിവരം.

കഴിഞ്ഞ 30ന് സ്കൂൾ വിട്ട് വീട്ടിലേക്ക് പോകാൻ എറണാകുളം - എളമക്കര ബസിൽ കയറിയ വിദ്യാർത്ഥിനിയോട് ഇയാൾ മോശമായി പെരുമാറിയെന്നാണ് പരാതിയിൽ പറയുന്ന ആരോപണം. പെൺകുട്ടി വിവരം അറിയിച്ചതോടെ രക്ഷിതാക്കൾ എളമക്കര സ്റ്റേഷനിൽ പരാതി നൽകിയതായാണ് വിവരം. സംഭവം നോർത്ത് സ്റ്റേഷൻ പരിധിയിലായതിനാൽ നോർത്ത് പൊലീസ് അന്വേഷണം ഏറ്റെടുത്തു എന്നാണ് റിപ്പോർട്ട്.

ബസ് സ്റ്റോപ്പുകളിലെ സിസിടിവി ക്യാമറകൾ പരിശോധിച്ചതിൽ നിന്ന് എളമക്കര പുതിയറോഡ് ഭാഗത്ത് ഇയാൾ ഇറങ്ങിയതായി കണ്ടെത്തിയതായി പൊലീസ് പറയുന്നു. പുതിയറോഡിലെ ഒരു സ്വകാര്യ സ്ഥാപനത്തിന്റെ ക്യാമറയിൽ ഇയാൾ ഒരു വസ്ത്രസ്ഥാപനത്തിന്റെ കവറുമായി നിൽക്കുന്നത് കണ്ടെത്തിയെന്നും തുടർന്ന് കടയുടെ എംബ്ലം ഏത് സ്ഥാപനത്തിന്റേതാണെന്ന് പൊലീസ് തിരിച്ചറിഞ്ഞുവെന്നുമാണ് വിവരം. ആ വസ്ത്രസ്ഥാപനത്തിലെ ക്യാമറകൾ പരിശോധിച്ചപ്പോൾ ഇയാൾ ബിൽ അടയ്ക്കുന്നത് ശ്രദ്ധയിൽപ്പെട്ടതായും പൊലീസ് പറയുന്നു. തുടർന്ന് നടത്തിയ അന്വേഷണത്തിലാണ് പ്രതി പിടിയിലായത് എന്നാണ് റിപ്പോർട്ട്.

എറണാകുളം സെൻട്രൽ എസിപി സിബി ടോമിന്റെ നേതൃത്വത്തിൽ എറണാകുളം ടൗൺ നോർത്ത് ഇൻസ്പെക്ടർ കെ ഒ സന്തോഷ്, എസ്ഐമാരായ അനൂപ് ചാക്കോ, ഇ എം ഷാജി എന്നിവരടങ്ങുന്ന സംഘമാണ് പ്രതിയെ പിടികൂടിയതെന്നാണ് പൊലീസ് അറിയിച്ചത്.

**

English Summary:**

Police say a man has been arrested on allegation of misbehaving with a school girl on a bus in Ernakulam. The accused is C T Mirosh from Thalassery New Mahe Peringadi Kumaralayam, who runs a ladies stitching unit. According to the complaint, the incident happened on the 30th on Ernakulam-Elamakkara bus. After parents filed complaint at Elamakkara station, North police took over probe and traced the accused through CCTV footage from bus stops and a clothing store where he paid bill.

### Related Links & Sources
- [Original Story Source](https://piravom.truevisionnews.com/news/386208/: kochi-school-girl-misbehave-bus-man-arrested-north-police)